సాటి హిందువుకు మనం చెయ్యగల్గింది?

మూడ్రోజుల క్రితం అగస్త్య అని రాంచీ నుండి ఒక కుర్రాడు వెల్డ్ టెస్ట్ (యుగ్మ పరీక్ష) కోసం ఫ్యాక్టరీలో నా దగ్గరికి వచ్చాడు. నా దగ్గరికి యుగ్మకారులను పరీక్షించడానికి ఏ హెచ్.ఆర్. కూడా ససేమిరా ఒప్పుకోరు, ఇక్కడున్న మూడు సంవత్సరాల్లో డెబ్భై మందికి పైగా పరీక్షలు నిర్వహించి ఉంటాను. అందులో నేను ఎంచుకున్నది మాత్రం ఆరుగురినే! వాళ్ళు ఇంకా ఫ్యాక్టరీలోనే పనిచేస్తున్నారు.

అగస్త్య అనే కుర్రాడిని & అతను కొట్టిన యుగ్మాన్ని పరీక్షించి తీసుకోమని సలహా ఇచ్చాను, ఇతను ఏడవ వ్యక్తి! కాకపోతే అతనికి GMA యుగ్మం మాత్రమే వచ్చు, SMA & TIG యుగ్మం రాదు. అందుకని జీతం అతి తక్కువగా వెయ్యడం జరిగింది అతనికి. మా ఫ్లోర్ ఇంఛార్జి అతన్ని వద్దుకాక వద్దన్నాడు, ఒక్కటే యుగ్మం చేస్తాడని. అతన్ని వేరే ఫ్లోర్కి పంపారు, నాకేమో అతన్ని నా ఫ్లోర్లో ఉంచాలని, నా దగ్గరైతే వేరే యుగ్మాలు కూడా నేర్పడానికి వీలుంటుంది, అతనికి జీతం కాస్త పెంచే అవకాశం నా చేతిలో ఉంటుంది. అతనెళ్ళిన ఫ్లోర్ వాళ్ళు ఒక్కరోజు చూసి అతన్ని వద్దని పంపేశారు, మళ్ళీ నా దగ్గరికే పంపారు. నిన్న వద్దన్న మా ఇంఛార్జి ఇవాళ సరే అన్నాడు, అతను చేసిన ఉత్పత్తి యుగ్మాలు (ప్రొడక్షన్ వెల్డ్స్) చూయించాను!

పదిహేడువేల రూపాయలు అతనికిచ్చి జీతం, అతను రాంచీ నుండి వచ్చాడు. సంథాలి మతానుయాయి, సనాతనానికి దగ్గరగా ఉండే అరణ్యవాసుల మతం. అతనికి ఎక్కువ జీతం ఇప్పించడంలో విఫలం అయినా, కొత్త యుగ్మాలు నేర్పి అతని కౌశలాన్ని, నైపుణ్యాన్ని, మరిన్ని మెళకువలను అందించగలను.

ఒకరకంగా ఇది శ్రమదోపిడీ అనే చెప్పాలి!

అదే పని చేస్తున్న సాటి వ్యక్తికి ఇరవైమూడువేలు ఇస్తుంటే, ఇతనికి మాత్రం పదిహేడువేలు ఇవ్వడం నాకు సమంజసంగా అనిపించడంలేదు.

ఇది పనికిమాలిన సమానత్వం కోణంలో చెప్పడంలేదు, శ్రమ మరియు శ్రమకు తగిన విలువను అంచనా వెయ్యగల నా సామర్థ్యంతో చెబుతున్నాను. అతని వెల్డ్ (యుగ్మం) నిజంగా బాగుంది, కానీ ఒకసారి జీతం తగ్గించాలి అని ఒకరు నిర్ణయం తీసుకున్నాక మనం ఏం చేసినా దాన్ని మార్చలేమనే అశక్తత కాస్త బాధ కలిగించే విషయం.

"ఏ హిందువులకు & హిందూ మతానికి దగ్గరగా ఉండే మతాల వారికే నేర్పిస్తారా? మీరు పక్షపాతి" అనొచ్చు మీలో ఎవరైనా. నిర్ద్వంద్వంగా నేను పక్షపాతినే. నా జనాలు మిగతా జనాలు ఒకటే ఎలా అవుతారు? ఎప్పటికీకారు.

మరొకమాట - నా ఈ నిర్ణయం ప్రతిభని గుర్తించి అడక్కుండా నేనిచ్చే బహుమతి (కొన్ని సందర్భాలలో ఇది తప్పే), అలాగే ఆ డెబ్భై మందిలో యుగ్మపరీక్షలో తేలిపోయినవారిలో అధికులు హిందువులే. ప్రతిభకు నేను పట్టం కట్టను, అలాగని నావారిలో ఫలించిన ప్రతిభకు సొంతంగా సానపెట్టుకున్నవారి కష్టాన్ని చూస్తూచూస్తూ నాశనం చెయ్యను.

నిజ శ్రావణ శుక్ల సప్తమి, 2080